آن لائن فراڈ کی شناخت کیلئے نیا ٹول متعارف

برطانیہ میں صارفین کو آن لائن فراڈ سے بچانے کے لیے فراڈ کی شناخت کرنے والا نیا ٹول متعارف کروا دیا گیا۔

اس نئے ٹول کا نام ’آسک سِلور‘ ہے اور صارفین اس جدید ٹول تک واٹس ایپ کے ذریعے ہی آرام سے رسائی حاصل کر سکتے ہیں۔

ایسا کرنے کے لیے صارفین کو صرف ’آسک سِلور‘پر سائن اپ کرنا ہے جس کے بعد یہ ٹول خود بخود ان کے واٹس ایپ اکاؤنٹ کی چیٹ لسٹ میں ظاہر ہونے لگے گا۔

لندن سے امریکا کا سفر صرف 2 گھنٹے میں ممکن ہوگا

اب جلد ہی لندن سے ٹیکساس کا سفر صرف 2 گھنٹے میں طے کیا جا سکے گا۔

سائن اَپ کرنے کے بعد جب بھی کسی صارف کو کوئی مشکوک میسیج یا ای میل موصول ہو یا کسی ویب سائٹ پر شک ہو تو اسے صرف اسکرین شاٹ لے کر ’آسک سَلور‘ ٹول پر اَپ لوڈ کرنا ہے جس کے بعد یہ ٹول فوری طور پر تجزیہ کر کے بتا دے گا کہ آیا یہ میسیج، ای میل یا ویب سائٹ کسی قسم کا فراڈ ہے یا نہیں۔

صرف اتنا ہی نہیں بلکہ یہ ٹول صارف کو فراڈ میسیج، ای میل یا ویب سائٹ کو رپورٹ کرنے جیسے اقدام سمیت آن لائن فراڈ سے خود کو محفوظ رکھنے کے دیگر اقدامات سے بھی آگاہ کرے گا۔

اس ٹول کے بانی الیکس سومرویل نے اسے برطانیہ کے ایک غیر منافع بخش اسکیم پروٹیکشن گروپ ’گیٹ سیف آن لائن‘ کے اشتراک سے آن لائن فراڈ سے حفاظت کے بارے میں آگاہی دینے کے لیے تیار کیا ہے۔