فرمان الہی
نماز کے اوقات
ممبئی میں قتل ہونے والے مہاراشٹر کے سابق وزیر بابا صدیق بالی ووڈ فنکاروں میں کافی مقبول تھے اور ان کی افطار پارٹیوں میں بھی فلمی ستارے شریک ہوا کرتے تھے۔
بابا صدیق کی افطار پارٹی کی ایک پرانی ویڈیو ان کی موت کے بعد دوبارہ وائرل ہوگئی ہے، جس میں وہ بھارتی اداکاروں سے بڑی گرمجوشی سے ملتے دکھائی دے رہے ہیں۔
بابا صدیق نہ صرف اپنی سیاسی وابستگیوں کی وجہ سے مشہور تھے، بلکہ وہ اپنی شاندار تقریبات کی میزبانی کے لیے بھی جانے جاتے تھے۔
2013 میں منعقد کی گئی ایک ایسی ہی تقریب میں، انہوں نے بالی وڈ کے دو بڑے ستاروں شاہ رخ خان اور سلمان خان کو دوبارہ ملانے میں کردار ادا کیا تھا۔
بھارتی میڈیا کے مطابق بابا صدیق کو باندرہ میں ان کے بیٹے کے دفتر میں گولی مار دی گئی، انہیں تشویشناک حالت میں لیلاوتی اسپتال منتقل کیا گیا تھا، جہاں وہ جانبر نہ ہوسکے۔
بابا صدیق پر تقریباً رات 9:30 بجے 2 سے 3 گولیاں چلائی گئیں اور فائرنگ کے سلسلے میں دو افراد کو حراست میں لے لیا گیا ہے۔
