بابر اعظم کو کل رات بقیہ میچوں میں نہ کھلانے کے بارے میں بتا دیا گیا تھا، ذرائع

پاکستان کرکٹ ٹیم کے اسٹار بیٹر بابراعظم کو کل رات بقیہ میچوں میں نہ کھلانے کے بارے میں بتا دیا گیا تھا۔ 

ذرائع ٹیم انتظامیہ کے مطابق اظہر محمود نے بابر اعظم سے طویل نشست کی تھی۔  

خیال رہے کہ انگلینڈ کے خلاف دوسرے ٹیسٹ میچ کےلیے پاکستان کے اسکواڈ کا اعلان کیا گیا جس میں بابر اعظم، شاہین آفریدی اور نسیم شاہ شامل نہیں ہیں۔

انگلینڈ کیخلاف دوسرے ٹیسٹ میچ کیلئے پاکستان اسکواڈ کا اعلان

انگلینڈ کے خلاف دوسرے ٹیسٹ میچ کے لیے پاکستان ٹیسٹ اسکواڈ کا اعلان کردیا گیا۔

ذرائع نے بتایا کہ بابر اعظم کو دو ٹیسٹ میں آرام دیا گیا ہے جبکہ شاہین آفریدی اور نسیم شاہ ازخود ٹیسٹ سے دستبردار ہوئے ہیں۔ 

ذرائع کے مطابق شاہین آفریدی اور نسیم شاہ نے فٹنس مسائل کی وجہ سے ٹیم انتظامیہ کو عدم دستیابی سے آگاہ کیا جبکہ آج صبح تک دونوں فاسٹ بولر ٹیم کا حصہ تھے۔