یحیٰی سنوار سمیت تمام شہداء کی عظیم قربانیوں سے القدس آزاد ہو گا: حافظ نعیم الرحمٰن

امیرِ جماعتِ اسلامی حافظ نعیم الرحمٰن کا کہنا ہے کہ شہداء کی عظیم قربانیوں سے القدس آزاد ہو گا۔

انہوں نے لاہور سے حماس کے سربراہ یحیٰی سنوار کی شہادت پر بیان جاری کیا ہے۔

جاری کردہ بیان میں انہوں نے کہا ہے کہ حماس کے سربراہ یحیٰی سنوار نے بھی اسرائیل کے خلاف لڑتے ہوئے جامِ شہادت نوش کیا۔

یحییٰ سنوار آخر لمحات تک لڑتے رہے، اسرائیلی فوج نے ویڈیو جاری کر دی

اسرائیلی فوج نے ایک ویڈیو جاری کی ہے جس کے متعلق دعویٰ کیا ہے کہ یہ فلسطین کی مزاحمتی تنظیم حماس کے حال ہی میں منتخب ہوئے نئے سربراہ یحییٰ سنوار کی شہادت سے قبل آخری لمحات کی ویڈیو ہے۔

حافظ نعیم کا کہنا ہے کہ اسرائیل اور اس کے سرپرست یاد رکھیں کہ شہادتوں کا سفر اہلِ غزہ کو منزل سے قریب تر کر رہا ہے، یحییٰ سنوار سمیت تمام شہداء کی عظیم قربانیوں سے القدس آزاد ہو گا۔