مریم نواز نے نئے پرائس کنٹرول میکنزم کی منظوری دیدی

وزیرِ اعلیٰ پنجاب مریم نواز نے عالمی معیار کے مطابق نئے پرائس کنٹرول میکنزم کی منظوری دے دی۔

مریم نواز کی زیرِ صدارت پرائس کنٹرول کے لیے نئے ادارے کا پہلا اجلاس لاہور میں ہوا۔

دورانِ اجلاس گندم اور دیگر اجناس کی پیداوار، دستیابی اور دیگر امور کے تحت نرخ مقرر کرنے کی تجاویز پر غور کیا گیا۔

اجلاس میں ہر شہر میں ٹماٹر، پیاز اور دیگر اجناس کے لیے مقامی کاشت بڑھانے پر زور دیا گیا۔

مریم نواز نے ’اپنی چھت اپنا گھر‘ پروگرام کی منظوری دے دی

پنجاب ہاؤسنگ اینڈ ٹاؤن پلاننگ ایجنسی کے اجلاس میں بتایا گیا کہ اپنی چھت اپنا گھر پورٹل پر 5 لاکھ 44 ہزار لوگ رجسٹرڈ ہوچکے۔

مریم نواز نے اجلاس سے خطاب کرتے ہوئے ہدایت کی کہ گندم اور آٹے کے نرخ کے اُتار چڑھاؤ اور مارکیٹ ڈائنامکس پر کڑی نظر رکھی جائے، کاشت کار اور عوام کے مفادات کو مدِ نظر رکھتے ہوئے فیصلے کیے جائیں۔

انہوں نے ہدایت کی کہ ایس ایم یو میں قابلیت کے مطابق صرف اور صرف میرٹ پر آفسر تعینات کیے جائیں۔