فرمان الہی
نماز کے اوقات
پاکستان شوبز انڈسٹری کے معروف گلوکار و اداکار عاصم اظہر نے 29 ویں سالگرہ کو اپنی زندگی کی سب سے بہترین سالگرہ قرار دیا ہے۔
عاصم اظہر نے فوٹو اینڈ ویڈیو شیئرنگ ایپ انسٹاگرام پر مدینہ منورہ سے کچھ یادگار تصاویر اور ویڈیوز شیئر کی ہیں۔
اُنہوں نے اپنی 29 ویں سالگرہ مدینہ کے سفر کے دوران اپنی والدین کے ساتھ منائی۔
گلوکار نے مسجد نبوی ﷺ میں سبز گنبد کا نظارہ کرتے ہوئے نبیٔ کریم حضرت محمد ﷺ پر اپنی خوبصورت آواز میں سلام بھی پیش کیا۔
اُنہوں نے اپنی پوسٹ کے کیپشن میں لکھا ہے کہ شکر الحمد للّٰہ! یہ میری زندگی کی سب سے بہترین سالگرہ ہے۔
عاصم اظہر نے اپنے مداحوں سے محبت کا اظہار کرتے ہوئے لکھا ہے کہ آپ سب کی نیک تمناؤں، دعاؤں اور محبتوں کا شکریہ۔
گلوکار کی اس پوسٹ کو ان کے مداحوں اور شوبز انڈسٹری کی معروف شخصیات کی جانب سے بہت پسند کیا جا رہا ہے اور اُنہیں سالگرہ کی مبارک باد بھی دی جا رہی ہے۔
