فرمان الہی
نماز کے اوقات
بھارت کی خوبصورت اداکارہ سمانتھا روتھ پربھو نے اپنے سابقہ شوہر ناگا چیتنیا کا نام لیے بغیر اپنا مضحکہ خیز اقدام بتادیا۔
37 سالہ سمانتھا پربھو حال ہی میں سیٹاڈل، ہنی بنی میں ورون دھون کے ہمراہ اداکارہ کے جوہر دکھاتی نظر آئی ہیں۔
بھارتی میڈیا کے مطابق ورون دھون اور اداکارہ اپنے نئے پروجیکٹ کی تشہر میں مصروف ہیں، دونوں نے ایک انٹرویو کےلیے ساتھ شرکت کی۔
اس دوران تفریحی انداز میں پوچھے گئے سوال کا جواب دیتے ہوئے سمانتھا پربھو نے کسی کا نام لیے بغیر کہا کہ ’میرا مضحکہ خیز اقدام یہ ہے کہ میں نے اپنے سابق کےلیے مہنگے تحائف خریدنے کےلیے رقم خرچ کی‘۔
اس دوران ورون دھون نے اداکارہ سے استفسار کیا کہ ’کون سا تحفہ تھا اور کتنا تھا؟ اس پر سمانتھا نے قہقہہ لگایا اور کہا کہ ’کافی تھوڑا، ٹھیک ہے، بس اب آگے بڑھو‘، انہوں نے کسی کا بھی نام لینے سے انکار کردیا۔
بھارتی میڈیا رپورٹ کے مطابق سمانتھا اور ناگا چیتنیا 2017ء میں شادی کی تھی اور وہ 2021ء میں الگ ہوگئے تھے۔
