فرمان الہی
نماز کے اوقات
بالی ووڈ کے بے تاج بادشاہ شاہ رخ خان کی سالگرہ پر سُپر اسٹار اور مداحوں کو شاندار تحفہ دیتے ہوئے ڈرامہ سیریل ’فوجی 2‘ کا ٹریلر لانچ کر دیا گیا۔
بھارتی میڈیا کی رپورٹس کے مطابق شاہ رخ خان نے اپنے کیریئر کا آغاز 1989ء میں نشر ہونے والی ڈرامہ سیریل ’فوجی‘ سے کیا تھا تاہم اب اس سیریل کے دوسرے سیزن کا ٹریلر کچھ دیر قبل لانچ کیا گیا ہے۔
میڈیا کی رپورٹس کے مطابق 18 نومبر سے ڈرامہ ’فوجی 2‘ ٹی وی اسکرین کی زینت بنے گا، جس میں اداکار وکی جین اور اداکارہ گوہر خان مرکزی کردار میں نظر آئیں گے جبکہ 12 نئے چہروں کو بھی اس سیریز کے ذریعے انڈسٹری میں متعارف کروایا جا رہا ہے۔
اداکارہ گوہر خان کے مطابق تخلیقی ٹیم ممبرز کا ایک ساتھ مل کر کسی پروجیکٹ پر کام کرنے سے بہتر اور کوئی چیز نہیں ہے، مجھے خوشی ہے کہ میں اس پروجیکٹ کا حصہ ہوں۔
فوجی 2 کے پروڈیوسر سندیپ سنگھ نے اس موقع پر خوشی کا اظہار کرتے ہوئے کہا ہے کہ فوجی 2 ماضی میں پیش کیے گئے کلاسک ڈرامہ فوجی کے لیے خراجِ تحسین ہے جس نے ہمیں شاہ رخ خان جیسے باصلاحیت اداکار سے نوازا۔
