فرمان الہی
نماز کے اوقات
بالی ووڈ کے بے تاج بادشاہ شاہ رخ خان آج 59 برس کے ہو گئے۔
گزشتہ شب 12 بجتے ہی کنگ آف رومانس کو سالگرہ کی مبارک باد دینے ان کے چاہنے والے ہر سال کی طرح اس سال بھی اداکار کی رہائش گاہ ’منت‘ کے باہر جمع ہو گئے۔
مختلف سوشل میڈیا پلیٹ فارمز پر گزشتہ رات منت کے باہر بالی ووڈ کنگ کی سالگرہ کا جشن منانے والے مداحوں کی مختلف ویڈیوز وائرل ہو رہی ہیں۔
شاہ رخ خان کے مداح غبارے، سالگرہ کے پوسٹرز لیے اداکار کی ایک جھلک دیکھنے کے لیے اُن کے گھر باہر کھڑے رہے۔
مداحوں نے رات 12 بجتے ہی سُپر اسٹار کو آتش بازی اور نعرے بازی کے ساتھ سالگرہ کی مبارک باد دی۔
کئی مداح کنگ خان کا آئیکونک پوز بناتے ہوئے بھی نظر آئے۔
کروڑوں دلوں کی دھڑکن شاہ رخ خان نے بھی اپنے چاہنے والوں کو مایوس نہں کیا، ان کی محبت کا جواب گھر کی بالکونی میں آ کر ہاتھ ہلا کر، مداحوں کا شکریہ ادا کر کے دیا۔
یہاں یہ واضح رہے کہ کنگ خان ہر سال کی طرح اس سال اپنی سالگرہ کا جشن بڑے پیمانے پر نہیں منائیں گے۔
بھارتی میڈیا رپورٹس کے مطابق رواں سال بابا صدیق کے قتل کے سبب شاہ رخ خان کی سالگرہ کی تقریب چھوٹے پیمانے پر منعقد ہو گی جس میں صرف قریبی لوگ شرکت کریں گے۔
