فرمان الہی
نماز کے اوقات
کراچی میں گزشتہ 24 گھنٹوں کے دوران شہریوں سے 50 موٹر سائیکلیں اور گاڑیاں چوری یا چھین لی گئیں۔
کراچی میں گزشتہ 24 گھنٹوں کے دوران شہریوں کو 50 کاروں اور موٹر سائیکلوں سے محروم کردیا گیا۔ 3 موٹرسائیکلیں اسلحہ کے زور پر چھینی گئیں، 45 موٹرسائیکلیں چوری جبکہ گھروں کے باہر کھڑی 2 گاڑیاں بھی چوری کرلی گئیں۔
موٹرسائیکل چھیننے کی وارداتیں شاہ لطیف ٹاؤن، سکھن اور سچل تھانوں کی حدود میں ہوئیں، کار چوری کی وارداتیں گلشن معمار اور گلستان جوہر میں ہوئیں، شہر کے مختلف علاقوں سے 45 موٹرسائیکلیں بھی چوری ہوئیں جن میں سے لیاری بغدادی سے 6 اور سکھن اور کورنگی صنعتی ایریا سے 4، 4 موٹر سائیکلیں چوری کی گئیں۔
شاہ لطیف ٹاؤن، گلشن معمار، گلستان جوہر، شاہ فیصل کالونی میں 2، 2 موٹر سائیکلیں چوری ہوئیں، جوہر آباد، سائٹ اے، شیرشاہ، اسٹیل ٹاؤن سے بھی 2، 2 موٹر سائیکلیں چوری ہوئی جبکہ میٹھادر، رسالہ، رضویہ، سعود آباد، سائٹ بی، شاہراہ فیصل، سول لائن، جمشید کوارٹر، بلوچ کالونی، الفلاح، شرافی گوٹھ ، سائٹ سپر ہائی وے، پیر آباد، سولجر بازار اور فریئر تھانوں کی حدود سے 16 موٹر سائیکلز چوری کی گئیں۔
