فرمان الہی
نماز کے اوقات
آرٹس کونسل آف پاکستان کراچی میں جنگ اور جیو کے اشتراک سے ورلڈ کلچر فیسٹیول کراچی کی اختتامی تقریب سے معروف گلوکار عاصم اظہر نے لائیو پرفارم کیا۔
38 روزہ ”ورلڈ کلچر فیسٹیول کراچی“ ثقافتی رعنائیاں بکھیرتے ہوئے اختتام پذیر ہوگیا۔ اختتامی تقریب وائے ایم سے اے میں منعقد کی گئی، اختتامی تقریب کا آغاز قومی ترانے سے کیا گیا۔
صدر آرٹس کونسل محمد احمد شاہ، معروف دانشور و مزاح نگار انور مقصود، چیف سیکریٹری سندھ آصف حیدر شاہ، معروف گلوکار عاصم اظہر، اختر چنال اور معروف شاعر تہذیب حافی سمیت ملکی اور غیر ملکی فنکاروں کی بڑی تعداد نے شرکت کی۔
اختتامی تقریب میں معروف دانشور و مزاح نگار انور مقصود نے مزاح سے بھرپور گفتگو سے شائقین کو خوب ہنسایا جبکہ میگا کانسرٹ میں گلوکار عاصم اظہر نے اپنی پرفارمنس سے شائقین کو خوب محظوظ کیا۔
انکے علاوہ اختر چنال، ارمان رحیم، مصطفیٰ بلوچ، منیب خان اور سمیر حمزہ نے شائقین کو جھومنے پر مجبور کیا تو دوسری جانب معروف شاعر تہذیب حافی نے شرکاء سے داد سمیٹی۔
