فرمان الہی
نماز کے اوقات
کراچی (اسٹاف رپورٹر) پاکستان اور آسٹریلیا کی کرکٹ ٹیمیں دوسرے ون ڈے انٹر نیشنل کیلئے منگل کو میلبرن سے ایڈیلیڈ پہنچ گئیں۔ میچ جمعے کو کھیلا جائے گا۔فاسٹ بولر نسیم شاہ کی میچ میں شرکت مشکوک ہے۔ان کی جگہ ایک اسپنر کو شامل کیا جاسکتا ہے۔تاہم اس کا حتمی فیصلہ پچ دیکھ کر کیا جائے گا۔ پاکستان کے اسکواڈ میں لیفٹ آرم رسٹ اسپنر فیصل اکرم اور عرفات منہاس شامل ہیں۔نسیم میلبرن میں ہیمسٹرنگ انجری کا شکار ہو کر اپنے کوٹے کے 10 اوورز بھی مکمل نہ کرا سکے تھے ۔ دوسری جانب آسٹریلیا کو دوسرے ون ڈے میں اپنے ریگولر کپتان پیٹ کمنز کی خدمات دستیاب نہیں ہوگی، اسٹیون اسمتھ کپتانی کی ذمے داری نبھائیں گے ۔ پلیئنگ الیون میں جوش ہیزل ووڈ کی واپسی کا امکان ہے۔ تین ون ڈے انٹرنیشنل میچوں کی سیریز میں آسٹریلیا کو ایک صفر کی برتری حاصل ہے۔
