فرمان الہی
نماز کے اوقات
پاکستان کرکٹ ٹیم کے سابق کپتان محمد حفیظ نے کہا ہے کہ یہ دن کا خواب تھا کہ بھارت چیمپئنز ٹرافی کے لیے پاکستان آئے گا۔
سماجی رابطے کی ویب سائٹ ایکس پر جاری کیے گئے بیان میں محمد حفیظ نے کہا ہے کہ پاکستان محفوظ ملک ہے اور ایونٹ کی میزبانی کے لیے تیار ہے۔
انہوں نے کہا کہ پاکستان کرکٹ کھیلنے والے تمام ممالک کی میزبانی کر رہا ہے۔
محمد حفیظ کا کہنا ہے کہ حکومت اور پی سی بی کے مضبوط اور حیران کن جواب کے منتظر ہیں۔
کرکٹ ویب سائٹ کی رپورٹ کے مطابق بی سی سی آئی کی جانب سے آئی سی سی کو آگاہ کیا جا چکا ہے کہ بھارتی ٹیم چیمپئنز ٹرافی 2025ء میں شرکت کے لیے پاکستان نہیں جائے گی۔
اس نئی پیشرفت کے بعد آئی سی سی اور پاکستان کرکٹ بورڈ کو متبادل پلان پر کام کرنا ہو گا اور ہائبرڈ ماڈل کے تحت پاکستان اور یو اے ای میں میچز کرانا ہوں گے۔
واضح رہے کہ آئی سی سی چیمپئنز ٹرافی آئندہ سال 19 فروری سے 9 مارچ تک پاکستان میں شیڈول ہے جس میں 8 ٹیموں نے شرکت کرنا ہے۔
