• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جوہر ٹاؤن، بنک سے رقم لیکر آنیوالا گھر کی دہلیز پر لٹ گیا، مختلف علاقوں میں 7 ڈاکے

میرا شہر
لاہور
18 نومبر ، 2024
لاہور،کاہنہ (کر ائم رپو رٹرسے،نامہ نگار) جوہر ٹاؤن میں موٹرسائیکل سوار 3ڈاکوؤں نے بینک سے رقم لے کر آنے والے شفیق کوگھر کی دہلیز پرلوٹ لیا۔ موٹرسائیکل سوار 3ڈاکو بینک سے نکلتے ہی گاڑی کاپیچھاکرتے رہے، جیسے ہی گاڑی اندرداخل ہوئی، ڈاکوؤں نے شہری کو یرغمال بنایا اور لوٹ مار کی ۔ 4لاکھ97ہزار روپے چھین کر فرار ہو گئے ،بادامی باغ میں شمشاد سے 1لاکھ 80ہزار اور موبائل فون،غازی آباد میں تصور عباس سے 1لاکھ 70 ہزا اور موبائل فون، گرین ٹاؤن میں فاروق سے 1لاکھ 60 ہزار، موبائل فون ،سبزہ زار میں وسیم سے1لاکھ 55ہزار اور موبائل فون،ہربنس پورہ میں مانی استاد سے 1لاکھ 50ہزار اور موبائل فون، مزنگ میں دلشاد احمدسے 1لاکھ 45ہزار موبائل فون اور دیگر سامان لوٹ لیا گیا۔ کاہنہ کے علاقہ سنٹرل پارک کے قریب دو موٹرسائیکل سوار ڈاکوؤں نے سیل میں عبدالرحمن سے40لوٹ لیے،شہریوں نے جب ڈاکوؤں کا پیچھا کیا تو فیروزپور روڈ پر ٹریفک کا رش ہونے کے باعث موٹرسائیکل پھینک کرفرار ہوگئے، للیانی نہر کے قریب طارق سے12ہزار اورموبائل فون چھن گیا ۔ شہزاد روڈ پر تین ڈاکوؤں نے اعجاز احمدکولوٹ لیا،جنوبی چھاونی اور نوانکوٹ سے گاڑیاں جبکہ راوی روڈ ملت پارک اور اچھرہ سے موٹرسائیکلیں چوری ہو گئے۔
لاہور سے مزید