فرمان الہی
نماز کے اوقات
کراچی ( اسٹاف رپورٹر ) سندھ ہائی کورٹ نے حیدرآباد میں فقیر کے اکاونٹ سے 10لاکھ روپے کا فراڈ کیس میں نجی بینک کے سابق برانچ منیجر کی ضمانت منظور کرلی اور ملزم عاقب کو 2 لاکھ روپےمچلکے جمع کرانے کا حکم دیدیا ، عدالت نے ریمارکس دیئے کہ ایک فقیر کے اکاؤنٹ کو بھی نہیں چھوڑا، فقیر صاحب تو یہ نہیں کہہ رہے کہ اسکا موبائل یا سم کسی نے لی ہے؟ وکیل صفائی نے موقف اپنایا کہ ملزم کا فراڈ سے کوئی تعلق نہیں، ایف آئی اے نے مرکزی ملزموں کو بطور ملزم شامل نہیں کیا، وکیل صفائی نے کہا کہ فراڈ میں ذیشان کا موبائل نمبر استعمال کیا گیا اور رقم خاتون ملزمہ عائشہ کے اکاؤنٹ میں منتقل کی گئی، عدالت نے ریمارکس دیئے کہ بینک سے انفارمیشن لیک ہونا کس دفعہ کے تحت آتا ہے؟ انفارمیشن لیک کرنا فراڈ میں تو نہیں آتا۔
