فرمان الہی
نماز کے اوقات
کراچی(اسٹاف رپورٹر) کورنگی الیاس گوٹھ کرسچن پاڑہ نورانی ہوٹل کے قریب پانی کے ٹینک میں ڈوب کر 28 سالہ یسرا موقع پر ہی جاں بحق ہوگئی، پولیس کو متوفیہ کے بھائی نے اپنے بیان میں کہاکہ یسراذہنی مریضہ اور وہ زیر زمین پانی کے ٹینک کے قریب کپڑے دھو رہی تھی کہ اچانک اس میں گرگئی ، حب ریورروڈنزد لعل قلعہ گودام کے قریب ٹریفک حادثے میں پولیس اہلکار ہیڈ کانسٹیبل عمار شدید زخمی ہوگیا اور اسکی ٹانگ ٹوٹ گئی،نیو کراچی صنعتی ایریا کے علاقے سنگر اور بلال چورنگی کے درمیان تیزرفتارواٹر ٹینکرسڑک پر الٹ گیا جس کے نتیجے میں سڑک پر ٹریفک کی روانی بری طرح متاثرہ ہوئی، ڈرائیور معمولی زخمی ہوا،علاوہ ازیں گارڈن حنفیہ مسجد کے قریب واقع مکان سے 55 سالہ رخسانہ زوجہ شاہد کی لاش ملی،متوفیہ مکان میں اکیلی رہتی تھی اور بیمار تھی، کورنگی 6 میں فٹ پاتھ سے55 سالہ نامعلوم شخص کی لاش ملی ، جونیجو ٹائون میں 60 سالہ شخص کی لاش ملی،متوفی کی شناخت نہیں ہوسکی ، سائٹ ایریا حبیب چورنگی کمپنی کے قریب نالے سے نشے کے عادی شخص کی لاش ملی ،متوفی کی شناخت اور موت کی وجہ کا تعین نہیں ہوسکا ، عمر 30 سے 32 برس کے قریب ہے، محمودآباد کرسچن پاڑہ میں میں واقع گھرسے 65سالہ خاتون کی تین روز پرانی تعفن زدہ لاش برآمد ہوئی، فوری طور پر شناخت نہیں ہوسکی۔
