فرمان الہی
نماز کے اوقات
انگلینڈ نیوزی لینڈ سیریز کو کرو۔تھارپ ٹرافی کا نام دے دیا گیا۔ سیریز کی ٹرافی انگلینڈ کے گراہم تھارپ اور نیوزی لینڈ کے مارٹن کرو کے نام سے منسوب کی گئی ہے۔
سیریز کی ٹرافی کو دونوں آنجہانی کرکٹرز کے بیٹ کی لکڑی سے بنایا گیا ہے۔ دونوں ٹیموں کے درمیان ہر سیریز میں اب اس ٹرافی کیلئے مقابلہ ہوگا۔
غیر ملکی میڈیا رپورٹ کے مطابق دونوں پلیئرز کے اہلِ خانہ نے ٹرافی بنانے کیلئے بیٹ کا عطیہ دیا۔
ٹرافی میں تھارپ کے نیوزی لینڈ کے خلاف اور مارٹن کرو کے انگلینڈ کے خلاف سنچری بنانے والے بیٹ استعمال ہوئے ہیں۔
دونوں کھلاڑی اپنے عہد کے بہترین بیٹرز میں شمار ہوا کرتے تھے۔ گراہم تھارپ اس سال جبکہ مارٹن کرو 2016 میں انتقال کر گئے تھے۔
