فرمان الہی
نماز کے اوقات
بھارت کے مشہور کامیڈین سنیل پال کئی گھنٹے لاپتہ رہنے کے بعد واپس گھر پہنچ گئے۔
بھارتی میڈیا کے مطابق منگل کو سنیل پال شو کے بعد کئی گھنٹے تک لاپتہ ہو گئے تھے جس کے بعد ان کی بیوی نے پولیس میں رپورٹ درج کرائی تھی۔
اب سنیل پال کی اہلیہ نے دعویٰ کیا ہے کہ ان کے شوہر کو اغواء کیا گیا تھا جس کی تفصیلات وہ بعد میں بتائیں گی۔
ان کا کہنا ہے کہ سنیل پال نے اغواء کاروں سے متعلق پولیس کو بیان ریکارڈ کرا دیا ہے، سب کچھ صحیح ہے، پولیس ہماری مدد اور تعاون کر رہی ہے۔
بھارتی میڈیا کے مطابق 49 سالہ کامیڈین نے ایک شو کے لیے ممبئی سے باہر کا سفر کیا تھا، انہوں نے اہلیہ کو بتایا تھا کہ وہ 3 دسمبر کو گھر واپس لوٹ آئیں گے۔
بھارتی میڈیا کی رپورٹس کے مطابق کامیڈین کے گھر واپس نہ پہنچنے پر اہلیہ سریتا پال نے ممبئی کے ایک پولیس اسٹیشن میں شوہر کی گمشدگی کی شکایت درج کرائی تھی۔
