فرمان الہی
نماز کے اوقات
شام میں پھنسے ہوئے پاکستانیوں کا انخلا شروع ہوگیا، 400 کے قریب پاکستانی لبنان سرحد پر پہنچ گئے۔
سفارتی ذرائع کے مطابق پاکستانیوں کو بیروت سے پاکستان روانہ کیا جائے گا، اس مقصد کے لیے خصوصی پرواز کا انتظام کل یا پرسوں تک کیا جاسکتا ہے۔
وفاقی کابینہ کے اجلاس سے گفتگو کرتے ہوئے وزیراعظم شہباز شریف کا کہنا تھا کہ شام سے ڈھائی سو زائرین اور تین سو دیگر پاکستانیوں کی وطن واپسی کے لیے انتظامات کیے جا رہے ہیں۔
انھوں نے مزید کہا تھا کہ لبنان کے وزیراعظم سے کل بات ہوئی تھی، لبنانی وزیراعظم نے کہا ہے کہ پاکستانیوں کے پاس ویزے ہوں یا نہ ہوں، بیروت کے رفیق حریری ایئرپورٹ سے ان کی وطن واپسی میں ہر سہولت دی جائے گی۔
سینٹر عرفان صدیقی نے کہا کہ 180 سے 170 زائرین کو شام سے لبنان روانہ کیا جا چکا ہے۔ وزیراعظم شہباز شریف کے لبنانی وزیر اعظم کے رابطے کے بعد سے لبنا نی حکومت سرحد پر ہی ویزا فراہم کر رہی ہے، ان افراد کو بسوں کے ذریعے بیروت بھیجا جا رہا ہے۔
