فرمان الہی
نماز کے اوقات
وزیرِ اعلیٰ پنجاب مریم نواز کا کہنا ہے کہ حکومت پنجاب شنگھائی کے حکام کے ساتھ آئی ٹی سیکٹر کو فروغ دینے کے لیے پوری طرح تیار ہے۔
مریم نواز سے کمیونسٹ پارٹی آف چائنا کی شنگھائی کمیٹی کے ڈپٹی سیکریٹری زؤ زونگ منگ نے ملاقات کی۔
ڈپٹی سیکریٹری زؤ زونگ منگ نے پنجاب اور شنگھائی کے درمیان معاشی تعلقات مزید مستحکم کرنے کے عزم اور تجارت، سرمایہ کاری، سائنس، ٹیکنالوجی، انڈسٹری میں تعاون کو مزید فروغ دینے کی ضرورت پر زور دیا۔
ملاقات میں اکنامک اور ٹیکنالوجی کے شعبوں میں تعاون بڑھانے پر تبادلۂ خیال کیا گیا۔
وزیرِ اعلیٰ پنجاب مریم نوازشریف نے پاکستانی طلبہ اور ماہرین کو ٹریننگ اور تعلیم کے مواقع فراہم کرنے پر شکریہ ادا کیا اور شنگھائی بیسڈ کمپنیوں کو پنجاب کے اسپیشل اکنامک زونز میں سرمایہ کاری کی دعوت دی۔
اس موقع پر گفتگو کرتے ہوئے مریم نواز نے کہا کہ عالمی سطح پر شنگھائی کا فنانشل اور تجارتی مرکز کے طور پر ابھرنا قابلِ تحسین ہے، آٹو موبائل، آئی ٹی، سیمی کنڈیکٹر، روبوٹک دیگر شعبوں میں شنگھائی کی کمپنیوں سے اشتراکِ کار چاہتے ہیں۔
مریم نواز شریف کا کہنا ہے کہ چین کے تعاون سے ماہرین کی کیپسٹی بلڈنگ سے پاکستان میں آئی ٹی انڈسٹری تیزی سے فروغ پا رہی ہے، پاکستان کا آئی ٹی سیکٹر صدر زی جن پنگ کے وژن کے مطابق ترقی کرنے کی صلاحیت سے مالا مال ہے۔
انہوں نے کہا کہ پاکستان اور چین نواز شریف اور شہباز شریف کے دورِ حکومت میں مزید قریب آئے، چائنہ پاکستان اکنامک کوریڈور جیسے گیم چینجر پروجیکٹ کا آغاز نواز شریف اور شہباز شریف کے دورِ حکومت میں ہی ممکن ہوا۔
وزیرِ اعلیٰ پنجاب کا کہنا ہے کہ کئی سال کے سیاسی اور معاشی عدم استحکام کے بعد پاکستان کی معیشت اور معاشی اعشاریے بہتری کی طرف گامزن ہیں، چین کی کمپنیوں کو پنجاب میں سرمایہ کاری پر ترجیحاً سہولتیں دی جائیں گی۔
ڈپٹی سیکریٹری زؤ زونگ منگ نے کہا کہ تجارت، سرمایہ کاری، انفرا اسٹرکچر، عوامی رابطے اور باہمی تعلقات کو مزید مستحق کریں گے۔
