فرمان الہی
نماز کے اوقات
سال نو کے موقع پر کراچی کے علاقے ڈیفنس ہاؤسنگ اتھارٹی (ڈی ایچ اے) کے رہائشی و دیگر افراد کیلئے ٹریفک پلان سامنے آگیا۔
ٹریفک پولیس کے مطابق متبادل راستوں والے علاقوں کے رہائشی اپنا اصل شناختی کارڈ دکھا کر جاسکیں گے۔
حکام کا کہنا ہے کہ اختر کالونی سے براستہ خیابان اتحاد سی ویو کا روڈ بند ہوگا، سی ویو یا اس کے اطراف جانے والے افراد 26 اسٹریٹ سے ہوتے ہوئے جاسکیں گے۔
ٹریفک پولیس کے مطابق اسی طرح دو تلوار سے عبداللّٰہ شاہ غازی مزار جانے والی سڑک ٹریفک کےلیے بند ہوگی۔ عبداللّٰہ شاہ غازی کے مزار سے 26 اسٹریٹ جانے والی سڑک بھی بند ہوگی۔
حکام نے بتایا کہ ماڑی پور روڈ سے براستہ جناح برج مائی کولاچی ہیوی ٹریفک کو اجازت نہیں ہوگی۔
اسی طرح ڈاکٹر ضیاالدین روڈ لکی سگنل تک ٹریفک کےلیے بند ہوگا جبکہ پی آئی ڈی سی چوک سے کلب روڈ بھی ٹریفک کےلئے بند ہوگا۔
ٹریفک پولیس حکام کا کہنا ہے کہ بغیر سائیلنسر کی گاڑیوں اور موٹر سائیکلوں کے خلاف کارروائی ہوگی۔ غیرذمہ داری سے گاڑی اور موٹرسائیکل چلانے والوں کے خلاف کارروائی ہوگی۔
