فرمان الہی
نماز کے اوقات
پشاور کے کمبائنڈ ملٹری اسپتال (سی ایم ایچ) میں سابق ڈپٹی کمشنر (ڈی سی) کرم جاوید محسود کا کامیاب آپریشن کیا گیا۔
ذرائع کے مطابق ڈاکٹرز نے جاوید محسود کی ران کی ہڈی جوڑی۔ ان کو جسم میں تین گولیاں لگی ہیں۔ ایک گولی کندھے، دوسری پیٹ اور تیسری ٹانگ میں لگی۔
ذرائع کے مطابق زخمی سابق ڈی سی کے جسم سے ابھی تک گولیاں نہیں نکالی گئیں، انہوں نے قافلے کی روانگی سے ایک رات قبل جرگہ ممبران سے ملاقات کی تھی۔
ذرائع کے مطابق جرگہ ممبران کی رضامندی سے بارہ بجے قافلہ لے جانے کا فیصلہ کیا گیا۔ ذرائع کے مطابق جاوید محسود دو ناراض عمائدین کو منانے اور روڈ کھلوانے گئے تھے۔
ذرائع کے مطابق جاوید محسود صدا سے چھپری آرہے تھے کہ بگن چوک میں گاڑی پر فائرنگ ہوئی، ڈرائیور نے واپسی کیلئے گاڑی گھمائی، اسی دوران جاوید محسود کو گولیاں لگیں۔
