فرمان الہی
نماز کے اوقات
انٹرنیشنل کرکٹ کونسل (آئی سی سی) چیمپئنز ٹرافی 2025ء کی تیاریوں کے جائزے کےلیے وفود کی پاکستان آمد کا سلسلہ شروع ہوگیا۔
ذرائع کے مطابق پاکستان کے 3 شہروں میں چیمپئنز ٹرافی کے 19 فروری سے انعقاد کےلیے تیاریاں عروج پر ہیں۔
آئی سی سی وفود کی پاکستان آمد کے سلسلے میں ایک وفد آج کراچی پہنچا ہے۔
ذرائع کے مطابق آئی سی سی کی باقی ٹیمیں بھی پاکستان آئیں گی، دوسرے مرحلے میں جنوری کے تیسرے ہفتے میں آئی سی سی کا باقاعدہ سیکریٹریٹ پاکستان میں کام کرنا شروع کر دے گا۔
آئی سی سی وفود کے پہلے مرحلے میں ایک وفد کراچی میں نیشنل اسٹیڈیم کا دورہ کرے گا، 6 رکنی ریکی ٹیم کا یہ معمول کا دورہ ہے۔
ذرائع کے مطابق آئی سی سی ریکی ٹیم کے دورے کا مقصد چیمپئنز ٹرافی کی برانڈنگ، براڈکاسٹنگ، ہوٹلز اور وینیوز کی ریکی کرنا ہے۔
آئی سی سی وفد میں لاجسٹک، مارکیٹنگ، براڈکاسٹنگ، ایونٹس مینجمنٹ اور دیگر شعبوں کے اراکین شامل ہیں، ٹیم کراچی کے بعد راولپنڈی اور پھر لاہور پہنچے گی۔
