فرمان الہی
نماز کے اوقات
سندھ کے صوبائی وزیر شرجیل انعام میمن نے کہا ہے کہ ملک تاجر برادری چلا رہی ہے۔
کورنگی ایسوسی ایشن آف ٹریڈ اینڈ انڈسٹری میں خطاب کرتے ہوئے انہوں نے کہا کہ صدر آصف زرداری کی تاجر برادری پر خصوصی توجہ ہے۔
شرجیل میمن نے کہا کہ بلاول بھٹو، وزیرِ اعلیٰ سندھ مراد علی شاہ اور سندھ حکومت آپ کی بات سنجیدگی سے لیتی ہے۔
اُنہوں نے کہا کہ نئے صنعتی زون بنانے کی آپ کی سفارش کی 100 فیصد تائید کرتا ہوں۔
صوبائی وزیرِ سندھ نے کہا کہ سی پیک کا دھابیجی اکنامک زون جدید منصوبہ ہے جبکہ آئی ایم ایف پروگرام میں مذید اسپیشل اکنامک زون نہیں بن سکتے۔
شرجیل میمن نے کہا کہ ملیر ایکسپریس وے کا دو دن میں چیئرمین بلاول بھٹو افتتاح کریں گے، یہ ملیر ایکسپریس وے ساکنان کراچی کو پاکستان پیپلز پارٹی کا تحفہ ہے۔
اُنہوں نے کہا کہ کراچی شہر کے لئے ڈبل ڈیکر بسیں اسی سال لارہے ہیں جو شارعِ فیصل پر چلائیں گے۔
شرجیل میمن نے مزید کہا کہ کراچی میں ای وی بسیں لائے ہیں اور خواتین کے لیے پنک ای وی شروع کر رہے ہیں۔
شرجیل میمن نے یہ بھی کہا کہ پانی بہت بڑا مسئلہ ہے، کے فور اور حب کینال منصوبوں پر کام ہو رہا ہے۔
