فرمان الہی
نماز کے اوقات
کراچی(نیوز ڈیسک)سعودی وزارت توانائی کے مطابق،سعودی عرب کا یورینیم کی افزودگی اور فروخت شروع کرنے کا منصوبہ ہے۔برطانوی خبر رساں ادارے کے مطابق، وزیرتوانائی شہزادہ عبدالعزیز بن سلمان آل سعود نے گزشتہ روز ظہران میں ایک کانفرنس کو بتایا کہ یہ اقدام تمام معدنیات سے رقم کمانے کی حکمت عملی کا حصہ ہے۔انہوں نے جوہری ری ایکٹرز کے لیے یورینیم ایندھن کی تیاری کے لیے استعمال ہونے والے پاؤڈر کنسنٹریٹ کا حوالہ دیتے ہوئے کہا کہ اسے افزودہ کریں گے اور اسے بیچیں گے اور ہم ایک لو کیک بنائیں گے۔اسے محفوظ ہینڈلنگ کی ضرورت ہوتی ہے حالانکہ اس سے تابکاری کے چند خطرات ہوتے ہیں۔خیال رہے کہ سعودی عرب ایک نیا جوہری پروگرام تیار کر رہا ہے اور اس میں یورینیم کی افزودگی کو شامل کرنے کے لیے اسے وسعت دینے کا منصوبہ ہے، جوہری ہتھیاروں سے ممکنہ تعلق کی وجہ سے یہ ایک حساس مسئلہ ہے۔ریاض کا اصرار ہے کہ اس کا مقصد جوہری توانائی کو اپنے توانائی کے مرکب کو متنوع بنانے کے لیے استعمال کرنا ہے۔
