فرمان الہی
نماز کے اوقات
پاکستانی شوبز سے وابستہ سینیئر اداکارہ بینا چوہدری کی بیٹی و اداکارہ حریم سہیل کی مایوں کی تصاویر سوشل میڈیا کی زینت بن گئی۔
فوٹو اینڈ ویڈیو شیئرنگ پلیٹ فارم انسٹاگرام پر انڈسٹری کی ابھرتی ہوئی اداکارہ نے اپنی مایوں کی مختلف تصاویر و ویڈیوز شیئر کی ہیں۔
اداکارہ کی شادی سے قبل ان کی مایوں کی مختصر تقریب کا اہتمام گزشتہ روز کیا گیا، جس میں ان کے قریبی رشتے داروں کے ساتھ ساتھ ان کے عزیز و اقارب نے شرکت کی۔
سوشل میڈیا پر شیئر کی گئی تصاویر اور ویڈیوز میں دیکھا جاسکتا ہے کہ مایوں کی اس تقریب میں سجاوٹ سے لے کر ملبوسات میں روایتی پیلا رنگ نمایاں رہا۔
انڈسٹری کی ابھرتی ہوئی اداکارہ اب جلد شادی کے بندھن میں بندھنے کو تیار ہیں، ان کی جانب سے اچانک مایوں کے اعلان نے ان کے مداحوں کو چونکا دیا ہے۔
مایوں کے اعلان کے بعد مداحوں اور ساتھی فنکاروں کی جانب سے مبارک باد کا سلسلہ شروع ہو گیا ہے۔
حریم سہیل ڈرامہ سیریل گھسی پٹی محبت، بد دعا اور اقتدار جیسے ڈراموں میں اداکاری کے جوہر دیکھا چکی ہیں۔
