فرمان الہی
نماز کے اوقات
بین الاقوامی شہرت یافتہ پرتگال کے نامور فٹبالر کرسٹیانو رونالڈو 40 سال کے ہو گئے۔
فٹبال کی دنیا کے بے تاج بادشاہ کرسٹیانو رونالڈو نے زندگی کی 40 بہاریں دیکھ لیں اور وہ آج بھی فٹبال کی دنیا پر حاوی نظر آتے ہیں۔
سالگرہ کے موقع پر فٹبالر نے سوشل میڈیا اکاؤنٹ انسٹاگرام پر نئی تصویریں شیئر کی ہیں۔
دنیا بھر میں سوشل میڈیا پر سب سے زیادہ فالو کیے جانے والے کرسٹیانو رونالڈو نے اپنے کروڑوں مداحوں کے ساتھ اپنی گرل فرینڈ اور فیملی کی تصویر شیئر کی ہے۔
کیریئر کے دوران 900 گول کرنے والے پہلے فٹبالر نے اپنی پوسٹ میں صارفین کا سالگرہ کی مبارک باد دینے پر شکریہ ادا کرتے ہوئے بتایا ہے کہ میں نے 40 ویں سالگرہ خاندان اور دوستوں کے ساتھ گزاری ہے۔
کرسٹیانو رونالڈو نے اپنی 40 ویں سالگرہ کے دن کو خوش گوار قرار دیا ہے۔
یاد رہے کہ کرسٹیانو رونالڈو نے 2016ء میں یورو کپ جیتا تھا جبکہ وہ پرتگال کو بھی کئی اہم فتوحات دلوا چکے ہیں۔
کچھ روز قبل دیے گئے ایک انٹرویو میں پرتگال کے اسٹار فٹبالر کرسٹیانو رونالڈو کا خود سے متعلق کہنا تھا کہ مجھے لگتا ہے کہ میں اب تک کا سب سے مکمل فٹبالر ہوں۔
اسپینش میڈیا کو دیے گئے انٹرویو میں کرسٹیانو رونالڈو نے کہا تھا کہ لوگ لیونل میسی، میراڈونا یا پیلے کو پسند کر سکتے ہیں، میں ان لوگوں کا احترام کرتا ہوں لیکن میں سب سے مکمل ہوں۔
کرسٹیانو رونالڈو نے کہا تھا کہ میں فٹبال کی تاریخ کا بہترین کھلاڑی ہوں، میں نے فٹ بال کی تاریخ میں اپنے سے بہتر کسی کو نہیں دیکھا اور میں یہ اپنے دل سے سچ کہہ رہا ہوں۔
