فرمان الہی
نماز کے اوقات
وکی کوشل اور کترینہ کیف کی محبت کی کہانی کافی عرصے تک مداحوں کے لیے ایک معمہ بنی رہی۔ دونوں نے اپنے تعلق کو خفیہ رکھا اور صرف 2021 میں شادی کے بعد اسے باضابطہ طور پر ظاہر کیا۔
تاہم اب وکی کوشل نے انکشاف کیا ہے کہ وہ اور کترینہ پہلی بار باضابطہ طور پر کب اور کہاں ملے تھے۔
بھارتی میڈیا سے بات چیت میں وکی کوشل کا کہنا تھا کہ یہ 2019 کی بات ہے جب وہ ایک ایوارڈ شو میں میزبان تھے، اس دوران وہ اپنی ہونے والی شریکِ حیات کترینہ کیف کے ساتھ اسٹیج پر ان کے مشہور گانوں پر ڈانس کر رہے تھے۔
انہوں نے کہا، ’یہ میری ان سے پہلی ملاقات اور باضابطہ گفتگو تھی۔ اسٹیج پر تو کان میں لگے مائیک کے ذریعے ہدایات ملتی رہتی ہیں لیکن اسٹیج کے پیچھے پہلی بار ہم نے ایک دوسرے کا باقاعدہ تعارف کروایا۔‘
جب ان سے پوچھا گیا کہ ’کیا وہ نروس تھے؟‘ تو وکی نے مسکراتے ہوئے کہا، ’نہیں، نروس کیوں ہونا؟ لیکن وہ بہت پیاری تھیں، بہت ہی پیاری۔ مجھے نہیں معلوم تھا کہ وہ مجھے جانتی بھی ہوں گی لیکن وہ بہت پیاری تھیں۔‘
وکی کوشل ان دنوں اپنی آنے والی فلم چھاوا کی تشہیر میں مصروف ہیں، جس میں رشمیکا مندانا اور اکشے کھنہ بھی شامل ہیں۔ یہ فلم 14 فروری کو ویلنٹائنز ڈے کے موقع پر ریلیز کی جائے گی۔
