فرمان الہی
نماز کے اوقات
کراچی میں چیمپئنز ٹرافی کی افتتاحی تقریب کے دوران پاک فضائیہ کے طیاروں کی جانب سے فلائی پاسٹ کیا جائے گا۔
سول ایوی ایشن اتھارٹی (سی اے اے) کے مطابق سول ایوی ایشن نے ایئر لائنز کو نوٹم کے ذریعے ہدایات جاری کر دی ہیں۔
سی اے اے کا کہنا ہے کہ 19 فروری کو پاک فضائیہ کے طیارے چیمپئنز ٹرافی کی تقریب میں فلائی پاسٹ کا مظاہرہ کریں گے، اس دوران کراچی ایئر پورٹ آنے والی کمرشل پروازوں کو احتیاط کی ہدایت کی گئی ہے۔
سول ایوی ایشن اتھارٹی کا کہنا ہے کہ احتیاطی تدابیر کے طور کمرشل پروازوں کو اضافی فیول رکھنے کی بھی ہدایت کر دی گئی ہے۔
پہلی بار چیمپئنز ٹرافی کی افتتاحی تقریب کے دوران پاک فضائیہ کا فلائی پاسٹ ہو گا۔
فلائی پاسٹ کے دوران مخصوص ایئر کوریڈور بند ہو گا، جس کا نوٹم جاری کر دیا گیا ہے۔
