فرمان الہی
نماز کے اوقات
سیونتھ اسکائی انٹرٹینمنٹ کا تخلیق کردہ ایک اور ماسٹر پیس ڈرامہ سیریل ”من مست ملنگ“ جیو ٹی وی کی زینت بننے کیلئے تیار ہے۔ دلچسپ موضوع پر مبنی اس سیریل کا آغاز جمعہ کو ہوگا۔
انتقام کے شعلوں میں لپٹی عشق کی یہ داستان نوراں مخدوم کے قلم کا شاہکار ہے۔ ڈرامے کی پروموشن کی جھلک نے پہلے ہی چاروں طرف تہلکہ مچا دیا ہے۔
کبیر خان اور ریا کی رومانوی داستان میں دانش تیمور اور سحر ہاشمی کی پرفریب کیمسٹری نے ناظرین کو پہلے ہی بےقرار کر رکھا ہے۔
علی فیضان کی ہدایات میں ڈرامہ کی اسٹار کاسٹ میں نیئر اعجاز، صبا حمید، کامران جیلانی، عظمیٰ حسن، عدنان صمد، حبا علی خان، دودی خان، رمیز صدیقی، شہرزادے پیرزادہ، فیصل بالی، حرمین غالب، آیت عارف، ماہا حسن اور شریف بلوچ شامل ہیں۔
کبھی نفرت اور کبھی محبت کی شمع جلاتی اس اسٹوری کو خالد خان اور صبا بٹ کی سحر انگیز آوازوں کو یاسر علی کی موسیقی اور احسن عباس کی کمپوزیشن کے ذریعے افضل حسین کی فنی مہارت نے مکس اینڈ ماسٹر کرکے ڈرامہ سیریل کے او ایس ٹی کو تخلیق کیا۔
محبت کی انوکھی روش رنجشوں کو بڑھائے گی یا پروڈیوسرز عبداللّٰہ کادوانی اور اسد قریشی جذبوں کی سچائی سے بجھائیں گے نفرت کی آتش؟ یہ سب کچھ ناظرین اس نئی ڈرامہ سیریل ”من مست ملنگ“ میں ہر جمعہ، ہفتہ اور اتوار کی رات 8 بجے ”جیو ٹی وی“ پر ملاحظہ کرسکیں گے۔
