فرمان الہی
نماز کے اوقات
بھارتی کرکٹر یزویندرا چاہل کی سابق اہلیہ دھناشری ورما کے خاندان نے ان دعووں کو مسترد کردیا ہے جن میں کہا گیا تھا کہ معروف کوریوگرافر دھنا شری ورما نے طلاق کے بعد اپنے سابق کرکٹر شوہر سے 60 کروڑ روپے مانگے تھے۔
بھارتی میڈیا کے مطابق جمعہ کو اس حوالے سے ورما خاندان نے ایک بیان جاری کیا اور کہا کہ علحیدگی یا طلاق کے بعد ملنے والی رقم کے حوالے سے ساٹھ کروڑ روپے مانگنے کا الزام بے بنیاد ہے۔
28 سالہ دھناشری ورما کے خاندان نے وائرل ہونے والے اس دعوے پر اپنے غم و غصے کا اظہار کرتے ہوئے ہر ایک پر زور دیا کہ وہ اس بے بنیاد خبر کو نہ پھیلائیں۔
انھوں نے مزید وضاحت کی کہ دھناشری ورما نے یزویندرا چاہل سے کبھی بھی علیحدگی بعد گزر بسر کیلئے خرچ کی رقم نہیں مانگی۔
انھوں نے کہا کہ یہ انتہائی غیر ذمہ دارانہ بات ہے کہ اس قسم غیر مصدقہ انفارمیشن کو بنا تصدیق کیے چھاپا جائے، دونوں فریقوں کو معاملے میں گھسیٹا جائے اور ساتھ ہی انکے خاندانوں کو غیر ضروری افواہوں کا نشانہ بنایا جائے۔
واضح رہے کہ دھناشری ورما اور 35 سالہ یزویندرا چاہل کی 2020 میں شادی ہوئی تھی اور جمعرات 20 فروری 2025 کو دونوں کی ممبئی کی ایک عدالت میں طلاق ہو گئی۔
