فرمان الہی
نماز کے اوقات
رمضان کی آمد سے پہلے ہی لاہور میں اشیا خوردونوش کی قیمتوں کو پر لگ گئے۔
انتظامیہ منافع خوروں کی من مانی کے سامنے بے بس نظر آرہی ہے اور رمضان سے پہلے ہی کھانے پینے کی اشیا کی قیمتوں میں اضافہ جاری ہے۔
مارکیٹ ذرائع کے مطابق لاہور میں چند روز میں انڈے فی درجن 230 سے بڑھ کر 272 روپے کے ہوگئے۔
بکرے کے گوشت کی قیمت 200 روپے اضافے سے 2500 روپے فی کلو تک پہنچ گئی۔
گائے کا گوشت 1100 سے بڑھ کر 1400 روپے میں فروخت ہو رہا ہے۔
ذرائع کا کہنا ہے کہ چینی کی قیمت 124 روپے سے بڑھ کر 155 اور 160 روپے تک جا پہنچی ہے۔
سیب، کیلا، خربوزہ، کینو، اسٹرابری کی قیمت 100 سے 300 روپے تک بڑھ چکی ہے۔
رہنما کنزیومر ایسوسی ایشن نے کہا ہے کہ انتظامیہ خاموش تماشائی بنی ہوئی ہے سرکاری ریٹ لسٹ پر عمل درآمد نہیں ہو رہا ہے۔
