• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مشورہ ……

مبشر علی زیدی
آج کا اخبار
ادارتی صفحہ
24 فروری ، 2025

پیاری بیٹی

آپ کی امی نے بتایا کہ آپ کو شوہر سے ذہنی ہم آہنگی میں مشکل پیش آرہی ہے۔

شادی کے فورا بعد کبھی کبھی ایسا ہوتا ہے۔

لیکن سوچیں کہ خرابی کہاں ہے۔

شوہر اچھا آدمی ہے تو تھوڑا بہت سمجھوتا کرنا چاہئے۔

بات نہ بن رہی ہو تو اپنی زندگی خراب نہیں کرنی چاہئے۔

علیحدگی بری بات نہیں ہے۔ زبردستی ساتھ رہنا بری بات ہے۔

طلاق ہوجانا بری بات نہیں ہے۔ بری شادی چلانا بری بات ہے۔

جو جی چاہے فیصلہ کریں۔

لیکن یاد رکھیں، باپ کے گھر کے دروازے ہمیشہ کھلے ہیں۔

فقط۔آپ کا والد

تازہ ترین