فرمان الہی
نماز کے اوقات
بھارتی وزیرِ اعظم نریندر مودی نے انکشاف کیا ہے کہ وہ سال کے 300 دنوں میں سپر فوڈ قرار دی جانے والی غذا پھول مکھانے کا استعمال کرتے ہیں۔
ریاست بہار میں پی ایم کسان سمان ندھی (پی ایم کسان) کی 19 ویں قسط کے اجراء کے موقع پر اپنے خطاب کے دوران وزیرِ اعظم مودی نے کہا کہ میں سال کے 365 دنوں میں سے کم از کم 300 ’سپر فوڈ‘ قرار دی جانے والی غذا پھول مکھانے کا استعمال کرتا ہوں۔
مودی نے پھول مکھانا فصل کی پیداوار میں اضافے پر زور دیتے ہوئے کہا کہ اب مکھانا ملک بھر کے شہروں میں ناشتے کا ایک اہم حصہ بن گیا ہے، ذاتی طور پر بات کریں تو میں سال کے 365 دنوں میں سے کم از کم 300 دن پھول مکھانے کھاتا ہوں، یہ ایک سپر فوڈ ہے جسے اب ہمیں عالمی منڈیوں میں لے جانا چاہیے، یہی وجہ ہے کہ اس سال کے بجٹ میں حکومت نے مکھانا بورڈ کے قیام کا اعلان کیا ہے۔
انہوں نے مزید کہا کہ یہ اقدام اس فصل کی افزائش میں اضافے، بہتر مارکیٹنگ کی حکمتِ عملیوں اور بہار میں کسانوں کی روزی روٹی کو بہتر بنانے پر توجہ مرکوز کرے گا۔
مودی کا کہنا ہے کہ اب بہار کے پھول مکھانے کو دنیا بھر میں پہنچانے کا وقت آ گیا ہے۔
