فرمان الہی
نماز کے اوقات
بھارتی اداکارہ سوناکشی سنہا نے انکشاف کیا ہے کہ میرے جڑواں بھائی’لو سنہا اور کش سنہا‘ مجھ سے بچپن سے جلتے تھے۔
انہوں نے کہا کہ بچپن میں تمام ہی بہن اور بھائی آپس میں لڑتے ہیں، اس لیے لو اور کش سے میری جھڑپیں کوئی غیر معمولی بات نہیں تھی۔
اداکارہ اور اُن کے جڑواں بھائیوں میں کشیدگی کی خبر اُس وقت زبان زد عام ہوئی، جب لو اور کش نے سوناکشی اور ظہیر اقبال کی شادی میں شرکت نہیں کی۔
اپنے حالیہ انٹرویو میں سوناکشی سنہا نے اپنے بھائیوں لو اور کش سے تعلقات پر بات کی اور کہا کہ میں گھر میں سب سے چھوٹی اور سب کی لاڈلی تھی، یہی وجہ ہے کہ بھائی مجھ سے جلتے تھے اور مجھے مارتے بھی تھے۔
سوناکشی اور ظہیر اقبال نے گزشتہ برس 23 جون کو شادی کی، جس میں شتروگھن سنہا اور پونم سنہا نے شرکت کی جبکہ دونوں بھائی تقریب سے بالکل غائب رہے۔
لو سنہا نے شادی کے بعد اس معاملے پر کچھ مبہم پوسٹیں بھی شیئر کی اور اشارہ دیا کہ اُن کے اور سوناکشی سنہا کے درمیان سب کچھ ٹھیک نہیں ہے۔
اس نوعیت کے ردعمل کے بعد یہ قیاس آرائی کی جانے لگی کہ لو سنہا اپنے چھوٹی بہن کےلیے ظہیر اقبال کو مناسب خاوند نہیں سمجھتے تھے۔
