فرمان الہی
نماز کے اوقات
وینا ملک نعت خوانی پر شدید تنقید کی زد میں آ گئیں اور سوشل میڈیا پر نئی بحث چھڑ گئی۔
معروف اداکارہ ماڈل اور میزبان وینا ملک ایک بار پھر خبروں کی زینت بن گئیں، لیکن اس بار وجہ ان کی کوئی فلم یا متنازع بیان نہیں بلکہ رمضان المبارک میں ان کی پڑھی گئی نعتیں ہیں۔
وینا ملک جو اپنے 2 دہائیوں پر محیط شوبز کیریئر میں متعدد تنازعات کا شکار رہی ہیں، اب انہوں نے نئے انداز میں رمضان کا استقبال کیا ہے، تاہم سوشل میڈیا صارفین نے انہیں شدید تنقید کا نشانہ بنایا ہے۔
رمضان المبارک کے آغاز کے ساتھ ہی وینا ملک نے سوشل میڈیا پر مختلف نعتیہ کلام اور رمضان کی مناسبت سے تیار کردہ ویڈیوز شیئر کی ہیں۔
ان ویڈیوز میں انہیں رنگ برنگے اور زرق برق لباس میں دیکھا گیا، جہاں وہ اپنے مخصوص انداز میں نعتیں اور میں بھی روزے رکھوں گی کلام پڑھ رہی ہیں۔
وینا ملک کی نعت خوانی پر کئی صارفین کا کہنا ہے کہ وہ رمضان کی روحانیت کا مذاق اڑا رہی ہیں اور ان کا انداز نعت خوانی کے بجائے شوبز سے متاثر نظر آتا ہے۔
بعض لوگوں نے ان کے لباس اور انداز پر اعتراض اٹھایا اور کہا کہ وہ نعت پڑھنے کے بجائے محض دکھاوا کر رہی ہیں۔
ایک صارف نے لکھا ہے کہ نعت خوانی کا بھی ایک ادب ہوتا ہے، یہ کوئی ماڈلنگ شو نہیں کہ ہر ویڈیو میں الگ الگ لباس پہنا جائے۔
کچھ صارفین نے ان پر طنز کرتے ہوئے کہا ہے کہ میں بھی روزے رکھوں گی پڑھنے کی کیا ضرورت ہے، روزہ رکھنا تو پہلے ہی فرض ہے۔
وینا ملک کے قریبی ذرائع کے مطابق وینا ملک رمضان کے دوران مزید نعتیہ کلام بھی پیش کرنے کا ارادہ رکھتی ہیں۔
