فرمان الہی
نماز کے اوقات
معروف پاکستانی اداکارہ اور ماڈل نادیہ حسین کے شوہر عاطف احمد خان کو ایف آئی اے کارپوریٹ کرائم سرکل نے کراچی کے علاقے ڈیفنس فیز 6 میں ان کی رہائش گاہ پر چھاپہ مار کر گرفتار کرلیا۔
عاطف احمد خان نجی بینک کے سابق چیف ایگزیکٹو آفیسر ہیں، ان پر کمپنی کے فنڈز میں مبینہ طور پر 54 کروڑ روپے سے زائد کی خوردبرد کا الزام ہے۔
عاطف احمد خان پر الزام ہے کہ انہوں نے کمپنی کے 80 ملین روپے ذاتی ٹریڈنگ کے لیے استعمال کیے۔
تحقیقات کے مطابق انہوں نے غیر قانونی طور پر 654 ملین روپے تھرڈ پارٹی سے حاصل کیے اور انہیں کمپنی کے فنڈز سے زیادہ مارک اپ کے ساتھ واپس کیا۔
عاطف احمد خان نے کمپنی کے مالیاتی ریکارڈ میں جعلسازی کی تاکہ اپنی مالی بدانتظامیوں کو چھپایا جا سکے۔
یہ کارروائی نجی بینک کے گروپ ہیڈ عاصم واجد جواد کی شکایت پر کی گئی ہے، جنہوں نے عاطف احمد خان پر مالیاتی خوردبرد اور ریکارڈ میں ہیرا پھیری کے الزامات عائد کیے تھے۔
ایف آئی اے نے تحقیقات کے بعد ملزم کو گرفتار کیا اور ان کے خلاف مقدمہ درج کر لیا، عدالت نے ان کا 4 روزہ جسمانی ریمانڈ بھی منظور کرلیا ہے۔
