فرمان الہی
نماز کے اوقات
پاکستانی ٹی وی انڈسٹری کے اداکار دانش تیمور نے اہلیہ عائزہ خان کے ساتھ معیاری وقت اور دوسری شادی پر اپنے مؤقف سے مداحوں کو آگاہ کردیا۔
دانش تیمور جو اپنے دلکش کرداروں اور شاندار ڈراموں جیسے دیوانگی، عشق ہے، راہِ جنون، اب دیکھ خدا کیا کرتا ہے، جان نثار اور کیسی تیری خود غرضی کی وجہ سے معروف ہیں، انہوں نے حال ہی میں رمضان ٹرانسمیشن میں اپنی شادی شدہ زندگی سے متعلق دلچسپ بیانات دیے ہیں۔
انہوں نے بتایا کہ جب بھی میرے پاس فارغ وقت ہوتا ہے، میں عائزہ کے ساتھ باہر گھومنے چلا جاتا ہوں، ہم دونوں اپنی مصروف روٹین کی وجہ سے دیر رات گھر پہنچتے ہیں، لیکن پھر بھی ایک یا 2 گھنٹے ساتھ گزارنے کا انتظام کرتے ہیں۔
ان کا کہنا ہے کہ ہم اچھی موسیقی سنتے ہیں اور ایک دوسرے سے بات کرتے ہیں، مجھے چاہیے کہ ہمارا وقت صرف ہمارا ہو، جہاں ہم پُرسکون ماحول میں ایک دوسرے کی صحبت سے لطف اندوز ہوں۔
انہوں نے بتایا کہ میرا ماننا ہے کہ ہمیں اپنے ساتھی کے ساتھ وفاداری کے ساتھ معیاری وقت گزارنا چاہیے۔
ایک اور پروگرام میں ان سے دوسری شادی سے متعلق بھی سوالات کیے گئے۔
دانش تیمور نے فوری جواب دیتے ہوئے کہا کہ میں ایک شادی سے مطمئن ہوں اور دوسری شادی کی کوشش بھی نہیں کر رہا۔
دانش تیمور اور عائزہ خان پاکستانی شوبز کے سب سے محبوب جوڑوں میں شمار ہوتے ہیں، دونوں نے نا صرف اپنے کیریئر میں کامیابی حاصل کی ہے بلکہ ان کے 2 پیارے بچے بھی ہیں۔
