فرمان الہی
نماز کے اوقات
پاکستان شوبز انڈسٹری کے معروف اداکار عاصم محمود نے انکشاف کیا ہے کہ وہ خراب مالی حالات کی وجہ سے احساسِ کمتری کا شکار ہوئے۔
عاصم محمود نے حال ہی میں ایک نجی ٹی وی کے پروگرام میں بطور مہمان شرکت کی جہاں اُنہوں نے اپنے بچپن کے مشکل وقت کے بارے میں بات کی۔
اُنہوں نے بتایا کہ میرا تعلق کسی امیر گھرانے سے نہیں تھا بلکہ میں ایک متوسط طبقے کے خاندان میں پیدا ہوا جہاں میرے والدین نے بہت مشکلات کا سامنا کر کے ہماری تعلیم مکمل کروائی۔
اداکار نے بتایا کہ خراب مالی حالات کی وجہ سے لوگوں کی تلخ باتیں بھی سننے کو ملتی تھیں اس لیے میں احساس کمتری کا شکار ہو گیا تھا۔
اُنہوں نے مزید بتایا کہ لیکن اس احساس کمتری کی وجہ سے ہی میرے اندر ایک آگ تھی کہ میں کچھ ایسا کر کے دکھاؤں گا جو یہ مجھے برا بھلا کہنے والے نہیں کر سکتے۔
عاصم محمود نے خراب مالی حالات کی وجہ سے لوگوں کے برے رویوں کا سامنا کرنے والے لوگوں سے مخاطب ہوتے ہوئے کہا کہ اپنے آپ پر، اپنے والدین کی دعاؤں پر اور اللّٰہ کی ذات پر یقین رکھیں سب ٹھیک ہو جائے گا۔
