فرمان الہی
نماز کے اوقات
سیشن کورٹ میں آن لائن ٹریڈنگ ایپس کی غیر قانونی پروموشن کے مقدمے میں ٹک ٹاکر زرق نذیر کی عبوری ضمانت منظور کر لی گئی۔
ایڈیشنل سیشن جج سلمان منصور قریشی نے عبوری ضمانت پر سماعت کی۔
عدالت نے نیشنل سائبر کرائم انویسٹی گیشن ایجنسی (این سی سی آئی اے) کو ملزم کو 6 جنوری تک گرفتار کرنے سے روک دیا۔
عدالت نے ملزم کو تفتیش جوائن کرنے کا حکم دے دیا۔
ملزم زرق نذیر کے خلاف این سی سی آئی اے نے مقدمہ درج کر رکھا ہے۔
خیا ل رہے کہ برٹش پاکستانی ٹک ٹاکر زرق نذیر کا گزشتہ دنوں کہنا تھا کہ پاکستان آکر نیشنل سائبر انویسٹی گیشن ایجنسی کی تحقیقات کا سامنا کروں گا۔
’جیو نیوز‘ سے گفتگو کرتے ہوئے ٹک ٹاکر زرق نذیر کا کہنا تھا کہ امید ہے کہ ایجنسی میرے ساتھ منصفانہ سلوک کرے گی، رجب بٹ اور ندیم نانی والا کی گرفتاری کا عینی شاہد ہوں، ان کے فون تقریباً 48 گھنٹے بند رہے۔
زرق نذیر کا کہنا ہے کہ پہلے انکوائری میں شامل نہیں ہوا کیونکہ ڈر تھا کہ بلیک میل اور تشدد کا خطرہ تھا، ڈکی بھائی والے سلوک سے خوفزدہ تھا، پیر کو پاکستان واپس جاؤں گا، ندیم اور رجب کے ساتھ واپسی کا ارادہ تھا لیکن وہ مطلع کیے بغیر روانہ ہو گئے۔
