فرمان الہی
نماز کے اوقات
بھارتی کرکٹ ٹیم کے جارحانہ بلے باز ہاردک پانڈیا کا ادھورا خواب پورا ہو گیا۔
آئی سی سی چیمپئنز ٹرافی 2025ء کا فائنل اپنے نام کرنے کے بعد بھارتی آل روانڈر ہاردک پانڈیا نے دبئی کرکٹ اسٹیڈیم میں صحافیوں کے ساتھ گفتگو کی۔
انہوں نے کہا کہ پاکستان کا سفر کرنے یا نہ کرنے کا فیصلہ کرکٹر کے اختیار سے باہر کا معاملہ ہے، لیکن امید ہے کہ پاکستانیوں نے دبئی میں کرکٹ کو انجوائے کیا ہو گا۔
بھارتی بیٹسمین نے کہا کہ چمپئینز ٹرافی کی جیت ایک ادھورا خواب تھا جو پورا ہو گیا۔
ہاردک پانڈیا نے چیمپئنز ٹرافی 2017ء کی شکست کو یاد کرتے ہوئے کہا کہ 8 سال ایک طویل عرصہ ہوتا ہے لیکن اس بار فائنل کی جیت پر پورے بھارت میں جشن کا سماں ہو گا، یہ کامیابی عوام کے لیے ہمارا تحفہ ہے۔
انہوں نے اپنے بچپن کی یاد دہراتے ہوئے کہا کہ میں بچپن میں شاید کینیا کا فین لگتا تھا، اسی لیے مجھے کینیا کی کرکٹ ٹیم نے اپنا سپورٹر قرار دیا تھا۔
بچپن کے دلچسپ واقعے کا ذکر کرتے ہوئے ہاردک نے بتایا کہ میں 7 سال کا تھا اور کینیا کی ٹیم کے قریب جانے کی کوشش کر رہا تھا لیکن سیکیورٹی گارڈز نے روک دیا، البتہ کینیا کے کھلاڑیوں نے میری طرف اشارہ کرتے ہوئے کہا کہ یہ تو اپنا ہی لگتا ہے، اسے مت روکو۔
دبئی کرکٹ اسٹیڈیم میں لمبے لمبے چھکوں کے بارے میں ہاردک پانڈیا نے کہا کہ گراؤنڈ میں وہی پرفارمنس رہتی ہے جس کی ٹریننگ کے دوران مسلسل پریکٹس کی جاتی ہے۔
ٹورنامنٹ میں چوکوں اور چھکوں کی بارش کرنے والے ہاردک پانڈیا نے اپنے زور دار شاٹس کے راز سے پردہ بھی اُٹھایا اور شاٹس لگانے کی ترکیب بھی بتائی کہ سانس آہستہ لیجیے، بال کو نزدیک سے دیکھیے اور ہمت ہے تو خوب زور لگا کر بال کو گھما کر ماریں، بال گراؤنڈ کے باہر جائے گی۔
