فرمان الہی
نماز کے اوقات
معروف رقاصہ نورا فتحی نے مزاحیہ انداز میں اداکار کارتک آریان پر طنز کرتے ہوئے کہا ہے کہ کوئی ہے جسے آپ نے ابھی تک ڈیٹ نہیں کیا؟
آئیفا 2025ء کی تقریب 8 اور 9 مارچ کو جے پور میں منعقد ہوئی، اس میں کارتک آریان کی رومانس سے جڑی افواہیں موضوعِ بحث بن گئیں۔
ایونٹ کے دوران کرن جوہر نے جب نورا فتحی کو لندن کی فرسٹ کلاس ٹکٹ آفر کی تو نورا نے فوراً پوچھا، کیا میں آپ کے ساتھ جا رہی ہوں؟ کرن نے جواب دیا کہ وہ کارتک کی بات کر رہے ہیں۔
اس پر کارتک آریان نے مداخلت کرتے ہوئے کہا کہ آپ کو ہمارے ساتھ جانے کی ضرورت نہیں، ہم آپ کو ٹکٹ دیں گے اور آپ جس کے ساتھ جانا چاہیں جا سکتی ہیں۔
کرن جوہر نے مزید مزاحیہ انداز میں کہا کہ اگر آپ ہمیں بتائیں کہ کارتک کے لیے بہترین میچ کون ہے، تو آپ آرام سے جا سکتی ہیں، یہ آپ بھی ہو سکتی ہیں۔
اس پر نورا فتیحی نے دلچسپ جواب دیتے ہوئے کارتک آریان کو چھیڑا اور کہا کہ کوئی ہے اس انڈسٹری میں جسے آپ نے ابھی تک ڈیٹ نہیں کیا؟
یہ سن کر کارتک آریان شرما گئے اور ہنستے ہوئے بات کو ٹالنے کی کوشش کی، جبکہ وہاں موجود شائقین نے نورا کی حاضر جوابی پر خوشی کا اظہار کیا۔
یہ دلچسپ ویڈیو سوشل میڈیا پر وائرل ہو گئی اور صارفین نے اس پر مختلف تبصرے کیے ہیں۔
ایک صارف نے لکھا ہے کہ یہ کوئی روایتی طنز نہیں، بلکہ کارتک کے لیے ایک اعزاز ہے، ان کی پی آر ٹیم بھی انہیں پلے بوائے کے طور پر پروموٹ کر رہی ہے۔
ایک اور صارف نے تبصرہ کیا کہ یہ پہلا موقع ہے جب میں نے نورا اور کارتک کو ایک ساتھ دیکھا، حالانکہ اس بارے میں کافی قیاس آرائیاں سنتا رہا ہوں۔
دلچسپ بات یہ ہے کہ کارتک آریان کی والدہ مالا تیواڑی بھی آئیفا 2025ء میں موجود تھیں، جب ان سے سوال کیا گیا کہ وہ اپنے مستقبل کی بہو میں کیا خصوصیات دیکھتی ہیں، تو انہوں نے جواب دیا کہ میں ایک اچھی ڈاکٹر کی تلاش میں ہوں۔
اس بیان کے بعد سوشل میڈیا پر چہ مگوئیاں شروع ہو گئیں کہ کارتک آریان اپنی کو اسٹار سری لالا کو ڈیٹ کر رہے ہیں جو کہ ایک میڈیکل اسٹوڈنٹ بھی ہیں۔
