فرمان الہی
نماز کے اوقات
برطانیہ کے ہاؤس آف لارڈز میں ایک اور پاکستانی پہنچ گیا، لبرل ڈیموکریٹس کی نامزدگی پر لارڈ بننے والے شفق محمد نے قرآن کریم پر حلف اٹھانے کے بعد جیو نیوز کو پہلا انٹرویو دیا۔
لارڈ شفق محمد نے کہا کہ انکے باپ دادا مزدور تھے، ہاؤس آف لارڈ تک پہنچنے کا سفر طویل اور محنت سے عبارت ہے، شیفیلڈ میں 20 برس کونسل گروپ لیڈر اور یورپی پارلیمنٹ میں بھی خدمات سرانجام دیں۔
انھوں نے کہا کبھی سوچا بھی نہیں تھا کہ لارڈ بنوں گا، چک سواری میں مٹی سے بنے گھر میں آنکھ کھولی، گھر میں پانی اور بجلی نہیں تھی، والدہ کنویں سے پانی بھر کر لاتی تھیں۔
لارڈ شفق محمد نے کہا برطانیہ مواقعوں کا ملک ہے، میں اس کی زندہ مثال ہوں، نوجوانوں کیلئے پیغام ہے کہ خواہ ان کا تعلق جہاں سے بھی ہے اور والدین امیر نہیں لیکن پھر بھی وہ اپنی محنت سے مقام حاصل کرسکتے ہیں۔
انھوں نے کہا کہ گرومنگ میں صرف چند لوگ ملوث ہیں جنہوں نے پوری کمیونٹی کو بدنام کیا ہے، کمیونٹی میں موجود گندے انڈوں کا دفاع نہ کیا جائے۔
لارڈ شفق محمد نے کہا ہمارے بزرگ تو خواتین کو دیکھ کر نگاہیں جھکا لیا کرتے تھے، بطور لارڈ کشمیر اور کمیونٹی کے دیگر مسائل کو حل کرنے کی کوشش کروں گا۔
