فرمان الہی
نماز کے اوقات
کینسر سے زندگی کی بازی جیتنے والی اور اس کینسر کے سبب بالوں سے محروم ہونے والی بھارتی اداکارہ حنا خان نے پہلی بار بغیر وِگ تقریب میں شرکت کر کے سب کے دل جیت لیے۔
فوٹو اینڈ ویڈیو شیئرنگ پلیٹ فارم پر حال ہی میں منعقد ہونے والے او ٹی ٹی ایوارڈز 2025ء کی مختلف ویڈیوز وائرل ہو رہی ہیں۔
ان ویڈیوز میں سیاہ لباس میں ملبوس اداکارہ حنا خان کی ویڈیوز توجہ کا مرکز بنی ہوئی ہیں، ریڈ کارپٹ پر موجود اداکارہ نہایت خوبصورت اور پُراعتماد نظر آئیں۔
اس موقع پر انہوں نے وِگ کے بجائے اپنے قدرتی بالوں سے ہیئر اسٹائل کیا، اس تقریب میں انہیں پرومسنگ ایکٹر (فی میل) کے ایوارڈ سے نوازا گیا۔
حنا خان نے طویل انسٹا پوسٹ شیئر کر کے اپنے مداحوں اور پیاروں کا شکریہ بھی اداکیا جنہوں نے اس مشکل گھڑی میں ان کا ساتھ دیا۔
انہوں نے لکھا کہ میں نے اپنے 16 سالہ کیریئر میں بے شمار ایوارڈز جیتے ہیں لیکن میں نے کبھی کسی جیت کی تقریر یا اسٹیج پر ہونے والی گفتگو کو شیئر نہیں کیا، مگر یہ ایوارڈ میرے لیے بہت خاص ہے کیونکہ جب میں گھر لکشمی کی شوٹنگ کر رہی تھی، تو میں ایک مشکل وقت سے گزر رہی تھی اور اس کے بعد بھی بہت کچھ ہوا، یہ گھر لکشمی کے لیے پہلا ایوارڈ ہے۔
واضح رہے کہ حنا خان کو گزشتہ سال چھاتی کے سرطان کی تشخیص ہوئی تھی جس کے بعد سے ان کا علاج جاری ہے، اداکارہ کے مطابق ان کی کیمو تھیراپیز ختم ہو چکی ہیں۔
