فرمان الہی
نماز کے اوقات
بھارتی کرکٹ ٹیم کے کھلاڑی ہاردیک پانڈیا کی سابقہ اہلیہ نتاشا اسٹینکووچ کا کہنا ہے کہ زندگی میں ایک نئے باب کا آغاز کرنے کے لیے تیار ہوں۔
بھارتی میڈیا کی رپورٹس کے مطابق نتاشا اسٹینکووچ نے حال ہی میں اپنی سالگرہ کے موقع پر بھارتی میڈیا سے خصوصی گفتگو کی۔
دورانِ گفتگو انہوں نے اعتراف کیا ہے کہ میں دوبارہ محبت کرنے کے لیے تیار ہوں۔
ان کا کہنا ہے کہ گزشتہ سال کافی مشکل رہا لیکن اس پر بھی میں شکر گزار ہوں کیوں کہ جیسے جیسے ہم چیلنجوں سے گزرتے ہیں ہم سمجھدار ہو جاتے ہیں، بہت سے تجربات (اچھے اور برے) تھے، اس لیے مجھے یقین ہے کہ ہم عمر کے ساتھ نہیں بلکہ تجربات سے سیکھتے ہیں۔
نتاشا اسٹینکووچ نے زندگی میں ایک بار پھر نئی شروعات کے حوالے سے بات کرتے ہوئے کہا کہ آنے والے سال میں نئے تجربات کے لیے تیار ہوں، میں محبت کے مخالف نہیں ہوں، اگر میری زندگی میں ایسا موڑ آتا ہے تو میں اسے کھلے دل سے قبول کروں گی۔
ان کا کہنا ہے کہ مجھے یقین ہے کہ صحیح تعلق اس وقت ہوتا ہے جب صحیح وقت ہو، میں بامعنی رشتوں کی قدر کرتی ہوں۔
