فرمان الہی
نماز کے اوقات
پاکستان شوبز انڈسٹری کی معروف اداکارہ ثمن انصاری نے مرد کے ایک سے زائد شادیاں کرنے کے بارے میں اپنے خیالات کا اظہار کیا ہے۔
کچھ دنوں پہلے اداکار دانش تیمور نے 4 شادیوں کے بارے میں ایک بیان دیا جو سوشل میڈیا پر وائرل ہو گیا اور موضوعِ بحث بن گیا۔
اب حال ہی میں ثمن انصاری نے ایک پوڈکاسٹ میں بطور مہمان شرکت کی جہاں ان سے مرد کی ایک سے زائد شادیاں کرنے کے بارے میں سوال کیا گیا۔
اُنہوں نے اس سوال کے جواب میں کہا کہ مرد کی دوسری شادی کا فیصلہ ہر شادی شدہ جوڑے کا ذاتی انتخاب ہونا چاہیے اور مرد کو دوسری شادی کرنے کے لیے اپنی پہلی بیوی سے اجازت لینی چاہیے۔
اداکارہ نے کہا کہ جو بھی مرد ایک سے زیادہ شادیاں کرتا ہے تو اسے اپنی تمام بیویوں کے درمیان انصاف کرنا چاہیے۔
اُنہوں نے کہا کہ ہمارے مذہب میں مرد کو 4 شادیاں کرنے کی اجازت ہونے کے حوالے سے کوئی بھی عام بیان نہیں دیا جا سکتا کیونکہ سب کے حالات ایک جیسے نہیں ہوتے۔
ثمن انصاری نے یہ بھی کہا کہ ہر شادی شدہ جوڑے کو اپنے حالات کے مطابق خود فیصلہ کرنا چاہیے اور دوسروں کو ان کے فیصلے پر تنقید نہیں کرنی چاہیے۔
