فرمان الہی
نماز کے اوقات
پاکستانی اسٹار نور زمان نے شاندار کارکردگی کا مظاہرہ کرتے ہوئے ورلڈ انڈر۔ 23 اسکواش چیمپئن شپ کے فائنل میں کھیلنے کا اعزاز حاصل کرلیا۔
مصر کے کریم التور جبکہ ویمنزسیمی فائنل میں ہانگ کانگ کی چین سنک یوک اور مصر کی فیروز ابوالخیر نے فتح حاصل کرکے فائنل میں کھیلنے کا اعزاز حاصل کیا۔ ٹاپ سیڈ مصر کے ابراہیم ایلکبانی شکست کے بعد ایونٹ سے آئوٹ ہوگئے۔
فائنل جمعرات کو کھیلے جائیں گے جن میں نور زمان کا مقابلہ مصر کے کریم التورکی سے ہوگا جنہوں نے سیمی فائنل میں ٹاپ سیڈ ابراہیم کو شکست دی تھی۔
ویمنز کا فائنل فیروز ابوالخیر اور چین سنک یوک کے درمیان ہوگا۔
پاکستان اسکواش فیڈریشن اور سندھ اسکواش ایسوسی ایشن کے زیراہتمام ڈی ایچ اے کریک کلب میں جاری چیمپئن شپ کے سیمی فائنل کے موقع پر ورلڈ اسکوا ش فیڈریشن کی صدر ذینا ویلڈریچ، اسکواش لیجنڈ جہانگیر خان، قمر زمان اور دیگر بھی موجود تھے۔
مینز کے پہلے سیمی فائنل میں نمبر دو سیڈ پاکستان کے نور زمان نے ملائیشیا کے امیشنراج چندارن کو شکست دی۔
مصر کے کریم التورکی نے ایونٹ کے ٹاپ سیڈ ہم وطن ابراہیم ایلکبانی کو 53 منٹ کے سخت مقابلے کے بعد 3-1 سے شکست دے کر ٹائٹل میچ کے لئے کوالیفائی کیا۔
ویمنز کے پہلے سیمی فائنل میں چین سنک یوک نے ژن ژنگ ژی کو دلچسپ اور سنسنی خیز مقابلے کے بعد31منٹ میں 3-2 سے شکست دی۔ ٹاپ سیڈ مصر کی فیروز ابو لخیر نے ملائیشیا کی آئرہ اذمان کو 39 منٹ میں 3-1 سے زیر کر کے فائنل تک رسائی حاصل کی۔
