فرمان الہی
نماز کے اوقات
بھارتی کرکٹ بورڈ (بی سی سی آئی) نے سال 26-2025ء کے لیے 34 کھلاڑیوں کو سینٹرل کنٹریک دے دیا۔
بی سی سی آئی نے سینٹرل کنٹریکٹ حاصل کرنے والے کھلاڑیوں کی فہرست بھی جاری کر دی، سینٹرل کنٹریکٹ کے کھلاڑیوں کو 4 کیٹیگریز میں تقسیم کیا گیا ہے۔
اے پلس کیٹیگری میں روہت شرما، ویرات کوہلی، جسپریت بمرا اور رویندرا جڈیجا شامل ہیں۔
اے کیٹیگری میں محمد سراج، کے ایل راہول، شبمن گل، ہاردک پانڈیا، محمد شامی اور رشبھ پنت شامل ہیں۔
بھارتی کرکٹ بورڈ نے بی کیٹیگری میں 5 جبکہ سی کیٹیگری میں 19 کھلاڑیوں کو شامل کیا ہے۔
دھروور جوریل، سرفراز خان، ابھیشک شرما، نتیش ریڈی، ہرشت رانا، آکاش دیپ اور ورن چکرورتی کو پہلی مرتبہ سینٹرل کنٹریکٹ ملا ہے۔
گریڈ اے پلس میں شامل کھلاڑیو کو 7 کروڑ بھارتی روپے (23 کروڑ 80 ہزار پاکستانی روپے) سالانہ معاوضہ دیا جائے گا جبکہ گریڈ اے میں شامل کھلاڑیوں کو 5 کروڑ بھارتی روپے (16 کروڑ 43 لاکھ 34 ہزار پاکستانی روپے) سالانہ ملیں گے۔
بھارتی بورڈ کے مطابق گریڈ بی میں شامل کھلاڑیوں کو 3 کروڑ بھارتی روپے (9 کروڑ 86 لاکھ پاکستانی روپے) اور گریڈ سی میں شامل کھلاڑیوں کو سالانہ ایک کروڑ بھارتی روپے (3 کروڑ 28 لاکھ 68 ہزار پاکستانی روپے) ملیں گے۔
