• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

100 لفظوں کی کہانی

مبشر علی زیدی
آج کا اخبار
ادارتی صفحہ
25 اپریل ، 2025

ماحول ……

میں نے یہاں منٹو کی کتاب سیاہ حاشیے دفن کی تھی۔

کچھ دن بعد ایک پودا اگ آیا،

میں نے ڈوڈو کو اپنے لان میں ایک جگہ دکھائی۔

واقعی؟

ڈوڈو حیران رہ گیا۔

بالکل سچ، میں نے جواب دیا،

پودا سال بھر میں درخت بن گیا۔

اس کے ہر پتے پر سو لفظوں کی کہانی لکھی ہوتی تھی۔

میں اخبار میں چھپوا دیتا تھا۔

ڈوڈو کے منہ سے نکلا،

لیکن یہ درخت تو سوکھ گیا ہے۔

میں نے دکھ بھری آواز میں کہا،

ہاں،

پاکستان موسمیاتی تبدیلی سے شدید متاثر ہوا ہے۔

یہاں ایسے سدا بہار درخت بھی سوکھتے جارہے ہیں۔

تازہ ترین