فرمان الہی
نماز کے اوقات
کراچی (اسٹاف رپورٹر) متحدہ عرب امارات کی ویمنز کرکٹ ٹیم نے آئندہ پانچ سالوں کے ون ڈے کھیلنے کا درجہ مل گیا ۔ امریکا آئندہ سائیکل کےلیے اپنا اسٹیٹس برقرار نہ رکھ سکا۔ اس بار پانچ ایسوسی ایٹ ممالک 2025-2029 تک ون ڈے انٹرنیشنل سائیکل کا حصہ ہوں گے، جس میں تھائی لینڈ، نیدرلینڈز، پاپوا نیو گنی، اسکاٹ لینڈ اور متحدہ عرب امارات کی ٹیمیں شامل ہیں، انٹرنیشنل کرکٹ کونسل نے ان ٹیموں کے او ڈی آئی اسٹیٹس کی تصدیق کردی ہے۔ 16خواتین ٹیموں کو 50 اوورز فارمیٹ اسٹیٹس حاصل ہے۔ امارات ویمنز ٹیم نے عالمی رینکنگ میں 16 ویں نمبر پر آنے کے بعدسالانہ اپ ڈیٹ میں امریکی ویمنز ٹیم کو پیچھے چھوڑ دیا ہے۔ قواعد کے مطابق ون ڈے اسٹیٹس والی ٹیموں کو تین سے چار سال کے سائیکل میں اپنی رینکنگ حاصل کرنے یا برقرار رکھنے کے لیے کم از کم آٹھ ون ڈے میچز کھیلنے ہوں گے۔
